Aİ-95 premium markalı benzinin Azərbaycana idxal qiymətinin artması ilə əlaqədar olaraq bu gün səhər saat 08:00 radələrindən bütün yanacaqdoldurma məntəqələrində 1,40 manata satılan benzin 1,45 manata satılmağa başlanılıb.

Axar.az xəbər verir ki, bunu Report-a açıqlamasında SOCAR Petroleum QSC-nin mətbuat katibi Üzeyir Həbibbəyli bildirib.

Onun sözlərinə görə, buna səbəb bu marka benzinin istehsalçı ölkədə bahalaşmasıdır: “Digər yanacaqlar markalarının satışı köhnə qiymətlərlə davam etdirilir”.

Qeyd edək ki, Azərbaycan Aİ-95 premium markalı benzini əsasən Rumıniyadan idxal edir.

Xatırladaq ki, sonuncu dəfə “Aİ-95” premium markalı benzinin qiyməti 15 qəpik artaraq 1,40 manat olmuşdu.