2006-cı ilin sentyabr ayından bu günə kimi 17 536 şəxs ipoteka kreditindən yararlanıb.

Axar.az xəbər verir ki, Azərbaycan İpoteka Fondunun statistikasına görə, indiyə qədər ümumilikdə 709 723 370 manat məbləğində kredit verilib.

2014-cü il üzrə ipoteka götürən şəxslərin sayı 2240, 2015-ci ilin ikinci rübü üzrə isə bu rəqəm 1694 nəfəri təşkil edib. İl sonunadək bu sayın artacağı proqnozlaşdırılır.

İpoteka kreditlərinin müxtəlif bölgələr üzrə bölgüsündə ən çox pay Bakı şəhərinin üzərinə düşür. Belə ki, paytaxt üzrə 11679 nəfər ipoteka kreditlərindən yararlanıb. 1563 nəfərlə Sumqayıt şəhəri ikinci yerdə qərarlaşıb.

Abşeron rayonu və Xırdalan şəhəri üzrə isə 773 nəfər, Gəncə şəhəri üzrə 599 nəfər, Naxçıvan Muxtar Respublikası üzrə 142 nəfər ipoteka kreditlərindən faydalanıb.