Ana səhifə İqtisadiyyat |
Azərbaycanla İran arasında Araz çayı üzərində "Xudafərin" və "Qız qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında sazişin imzalanması ölkəmizə iqtisadi və siyasi faydalar verəcək.
Axar.az xəbər verir ki, bu sözləri İqtisadiyyat naziri Şahin Mustafayev AzTV-nin efirində deyib.
Onun sözlərinə görə, bu saziş Azərbaycan və İranın suverenliyinə və ərazi bütövlüyünə hörmət prinsiplərini, hər iki ölkənin "Xudafərin" və "Qız qalası" hidroqovşaqlarının su və enerji resursları üzərində eyni hüquqa malik olduğunu elan edir. Sazişdə Azərbaycanın ərazi bütövlüyünün BMT-nin qətnamələrinə uyğun bərpa edilməsinin zəruriliyi də qeyd olunur.
İqtisadi cəhətə gəlincə, nazir əlavə edib ki, bu layihə Azərbaycan üçün çox sərfəlidir: "Bənd artıq tikilib başa çatdırılıb, yaxın vaxtlarda elektrik stansiyasının tikintisi yekunlaşdırılacaq, Azərbaycan İranla birgə bu layihəni idarə edəcək və reallaşdırılacaq. Elektrik enerjisinin satışından əldə edilən gəlir iki ölkə arasında bərabər bölünəcək".
Tarix
2016.02.26 / 19:13
|
Müəllif
Axar.az
|