Türkiyə Silahlı Qüvvələri tərəfindən son bir həftədə ölkədə 57 PKK-çı zərərsizləşdirilib.

Axar.az xəbər verir ki, bu barədə Türkiyə Baş Qərargahı məlumat yayıb.

"Hakkari, Çuxurca, Şəmdinli, Ağrı, Best-Dereler, Beytüşşəbab, Tunceli, Bingöl mərkəz və digər ərazilərdə orta və geniş miqyaslı əməliyyatlar davam etdirilir. Əməliyyatlar zamanı 57 terrorçu zərərsizləşdirilib. Xeyli sayda silah-sursat da ələ keçirilib", - açıqlamada bildirilib.

Qərargah Suriyada həyata keçirilən "Fərat qalxanı" əməliyyatları çərçivəsində isə 16 yaşayış sahəsi və 150 kvadrat km ərazinin nəzarət altına alındığını da qeyd edib.