Suriyanın Əl Bab şəhərinin mərkəzində İŞİD terrorçuları ilə türk ordusu və ASO-nun birləşmiş qüvvələri arasında hazırda şiddətli atışmalar yaşanır.

Axar.az xəbər verir ki, qarşıdurmalar zamanı 25 terrorçunun öldürüldüyü bildirilib. Məlumatda şəhərin Əl Kəbir və Buğday ərazilərinin İŞİD-dən alındığı vurğulanıb.

Bundan əlavə, terrorçuların ASO və türk əsgərlərinin olduğu ərazidə bomba quraşdırılan avtomobillə partlayış törətdiyi və hücum zamanı xeyli hərbçinin öldüyü vurğulanıb.

Buna cavab olaraq türk qırıcılarının İŞİD-in digər bomba yüklənmiş texnikalarını zərərsizləşdiyi qeyd edilib.

Hazırda şəhərdə atışmalar davam edir.