Yuxarı

“Rossiya-24” Bakıdan reportaj hazırladı - Foto

Ana səhifə Kult
12 Punto 14 Punto 16 Punto 18 Punto

“Rossiya-24” televiziya kanalında Bakıda keçirilən Şopinq Festivalı haqqında reportaj yayımlanıb. Reportajda bildirilir ki, festivalda alıcılara müxtəlif endirimlər, maraqlı mədəni proqramlar təklif edilir.

Kult.az xəbər verir ki, Andrey Şlapnikovun müəllifi olduğu reportajda Azərbaycanda mütəmadi olaraq mühüm beynəlxalq tədbirlərin təşkili edildiyi vurğulanır. Müəllif Bakı Şopinq Festivalını ölkədə turist axınının artırılmasına yönələn daha bir addım kimi dəyərləndirir. Oxşar festivalların Türkiyə, Dubay və Sinqapurda keçirildiyini deyən Andrey Şlyapnikov MDB məkanında ilk belə festivalın məhz Azərbaycanda təşkil edildiyini bildirir.

Reportaj müəllifi vurğulayır ki, Azərbaycan bu tədbirə Şərq koloritini qataraq özünəməxsus şəkildə yanaşıb. Bir ay ərzində sakinlər və qonaqlar mağazalarda xüsusi endirimlərdən yararlanır, Azərbaycan qonaqpərvərliyi ilə yaxından tanış olur, mədəni proqramdan zövq alırlar. İri Bakı molları, İçərişəhərdə açıq səma altında yerləşən dükanlar alıcılara müxtəlif məhsullar təklif edir. Qonaqlara çay, şirniyyat, suvenirlər təqdim olunur.

Dünyanın məşhur brendləri də bu təşəbbüsə məmnuniyyətlə qoşulublar. Belə ki, satışa istənilən zövqə və maddi imkana uyğun məhsul çıxarılıb. Mağazalar ikiqat gəlir əldə edir, Şopinq həvəskarları isə TAX FREE–dən yararlanırlar.

Telekanal azərbaycanlı marketoloqun fikirlərini də öyrənib. O bildirir ki, festivalda qiymətlər digər ölkələrlə müqayisədə olduqca aşağıdır. A.Şlyapnikov qeyd edir ki, Bakı Şopinq Festivalının əsas özəlliyi ondan ibarətdir ki, TAX FREE sistemindən xaricilərlə yanaşı, yerli əhali də yararlanır. TAX FREE-dən pulu geri almaq üçün aeroporta getməyə ehtiyac qalmır. Hər bir molda bunun üçün şərait yaradılıb. Festivalda nəinki dünya brendləri, həmçinin yerli istehsalçıların məhsulları da təqdim olunur.

A.Şlyapnikovun respondenti olan Bakı Şopinq Festivalının brend meneceri müsahibəsində bildirir ki, əvvəllər azərbaycanlılar digər ölkələrə festivala üz tuturdularsa, indi Azərbaycan özü belə bir festival keçirir. Buraya Yaxın Şərq, qonşu ölkələrdən gələnlər üstünlük təşkil edir.

Reportajda məlumat verilir ki, Bakı Şopinq Festivalı ildə iki dəfə keçiriləcək. Bu tədbirlərin ölkəyə ildə 50 milyon manata yaxın gəlir gətirəcəyi proqnozlaşdırılır. Təkcə ötən il Odlar Yurduna 2 milyondan çox turist gəlib. Şopinq festivalının təşkili ilə bu göstəricinin bir neçə dəfə artması gözlənilir.

Tarix
2017.04.19 / 23:30
Müəllif
Kult.az
Şərhlər
Digər xəbərlər

NATO tankları Moskvanın mərkəzində - Foto

Türkiyə bu ölkə ilə ticarəti kəsdi: milyardlardan imtina etdi

Bayramov Quterreşin müşaviri ilə COP29-u müzakirə etdi

Bakıdan Moskvaya: Bu məsələdə qərarlıyıq!

Ceyhun Bayramov Putinin xüsusi nümayəndəsi ilə görüşdü

Sərhədimiz indiki yer deyilsə, haradır? – Sanosyan əsəbiləşdi

Bu şəxslərə birdəfəlik yardım veriləcək - Sərəncam

Prezident pravoslav xristian icmasını təbrik etdi

Prezident Leonid Kalaşnikovu qəbul etdi

66 konqresmenin Bakıya qarşı qərəzli - Çağırışı

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla