Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Mart 2019


“Şərqin Borxesi” Eko ilə görüşündən danışdı – Foto

Ana səhifə Kult
12 Punto 14 Punto 16 Punto 18 Punto

Bu gün Bakı Slavyan Universitetinin akt zalında Yaradıcılıq fakültəsi tələbələri ilə növbəti dərsində yazıçı Kamal Abdulla İtaliyaya səfəri çərçivəsində dünya şöhrətli yazar Umberto Eko ilə görüşü barədə məlumat verib.

Axar.az xəbər verir ki, ziyalıların, tənqidçi və jurnalistlərin də iştirak etdiyi açıq dərsdə Kamal Abdulla Roma səfəri, minlərlə oxucunun həqiqi bir bayram ovqatı ilə axışdığı inanılmaz kitab sərgisi, həmçinin "Yarımçıq əlyazma" əsərini oxuyandan sonra onu evinə qonaq dəvət edən Umberto Eko ilə görüşündən danışıb.

Ekonun yarımqapalı bir həyat tərzi yaşadığını, ona görə də onunla görüşün bir çoxları üçün xəyal olaraq qaldığını nəzərə çatdıran K.Abdulla dünya şöhrətli yazarın onu evinə dəvət etməsini böyük məmnuniyyətlə qəbul etdiyini və bu görüşə məxsusi önəm verdiyini deyib:

"Əsərləri ilə dünyanın hər yerindən görünən Eko İtaliyada az qala Roma Papası qədər məşhur simadır. Yarımqapalı həyat yaşadığından, onun bir şəxsi evinə qonaq dəvət etməsi nadir hallarda baş verir".

Qısa, rəsmi, bir az da diplomatik görüş gözlədiyi halda saat yarımlıq həddən artıq səmimi görüşün keçdiyini xatırladan Kamal Abdulla Ekonun öz böyük kitabxanası ilə onu tanış etdiyini bildirib:

"Minlərlər kitabın cəmləşdiyi böyük kitabxanası var və bu kitabxanadakı nadir əlyazmalarla da məni tanış etdi. "Yarımçıq əlyazma" barədə danışdı. Əsər haqda fikrini dedi və sonra keçdi "Dədə Qorqud"da. Dedi, sizin əsər məftunedicidi, amma çətindi, əlbəttə, onu çimərlikdə oxumaq olmaz. Mən özüm dəfələrlə əvvəlki səhifələrə qayıdırdım".

"Yarımçıq əlyazma" əsərinə 3 müqqədimə yazmaq ideyasının "Qızıgülün adı"ında olan "Son söz"dən yarandığını Ekonun nəzərinə çatdırdığını deyən Kamal Abdulla yazarın, "məndən soruşan kimi, sizdən də sizdəki axmaqlar soruşdularmı ki, bu əlyazma həqiqətən var, ya yoxdur?" deyə güldüyünü və müsbət cavab alarkən, "elə də bilirdim" dediyini söyləyib:

"Kitabxananı gəzərkən Coysun əsərlərinin yığıldığı bölmədə dayandıq və Coysdan danışdıq. Mənə zarafatla bir söz də dedi: "Coys hətta sizdən də çətin yazır".

Umberto Ekonu Azərbaycana dəvət etdiyini və bu dəvətin qəbul edildiyini bildirən Kamal Abdulla səfərin gerçəkləşəcəyi təqdirdə bunun Azərbaycanda bir ədəbi hadisəyə dönəcəyini bildirib.

Fürsət edib, Azərbaycan ədəbiyyatı, Dədə Qorqud, Şah İsmayıl, mədəniyyətimiz, bugünkü Azərbaycanın tolerant, saf mənəvi iqlimi, Azərbaycan Ermənistan münasibətləri və Qarabağ problemi barədə də Umberto Ekoya məlumat verdiyini bildirən Kamal Abdullanın görüş təəssüratları alimlərin, jurnalistlərin sualları ilə davam edib.

Tarix
2014.12.20 / 21:31
Müəllif
Axar.az
Şərhlər
loading...
Digər xəbərlər

Ələtdə uşaqların Novruz səhnəciyi maraqla qarşılandı - Foto

YUNESKO məşhur alimimizin məqbərəsini... - Qərar

Sovet Azərbaycanında ilk Novruz açıqcası - Foto

Sosial xidmət müəssisəsində Novruz şənliyi - Foto

Avropanın dənizaltı restoranı Norveçdə açıldı - Foto

2500 illik gəmi tapıldı: Herodot bu barədə yazmışdı

Türkiyədə Koroğlunun nəhəng abidəsi açıldı

Sevil Əliyevadan bayram təbriki

Azərbaycanın tarixi heykəli yerindən götürüldü - Foto

ADU-da yeni mərkəzin açılışı oldu - Foto

KULT
<>
Xəbər xətti
 
Axar.az'da reklam Bağla
Reklam
Bize yazin Bağla