Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
8 Dekabr 2019


ADU qapılarını abituriyentlərin üzünə açdı

Ana səhifə Kult
12 Punto 14 Punto 16 Punto 18 Punto

29-30 iyul tarixlərində Azərbaycan Dillər Universitetində (ADU) ixtisas seçimi edəcək abituriyentlər və onların valideynləri üçün “Açıq qapı” günləri keçirilib.

Kult.az xəbər verir ki, öncə universitetin tanıtım çarxı nümayiş olunub. Elm və innovasiya məsələləri üzrə prorektor Sevinc Zeynalova ADU-nun nüfuzundan söz açıb və bildirib ki, hər bir abituriyent qarşısına qoyduğu məqsəd və vəzifəyə çatmaq üçün ixtisas seçimində diqqətli olmalıdır.

“Azərbaycan Dillər Universiteti abituriyentlərə geniş imkanlar açır. Hər kəs əyani şəkildə universitetin maddi-texniki bazası ilə tanış ola bilər”, - Zeynalova deyib.

Təşkilati məsələlər üzrə rektorun müşaviri Seyfəl Həsənov burada olan abituriyentlərin artıq ixtisas seçimini etdiyindən yəqinliyini vurğulayıb:

“Əgər abituriyent burda – universitetdədirsə, demək, artıq fikrini qətiləşdirib. Sadəcə olaraq, əyani surətdə fikrinin doğruluğuna bir daha əmin olmaq istəyir”.

Müəllim Həmkarlar Komitəsinin sədri Misgər Məmmədov abituriyentlərə uğurlar arzulayıb, ADU-nu seçməkdə böyük uğura sahib olacaqlarını söyləyib. Onların gələcəkdə iş imkanlarının, karyera yüksəlişinin məhz ADU-dan keçməsinin zəruriliyini vurğulayıb.

Tələbələrlə iş və tərbiyə şöbəsinin müdiri Sərraf Hüseynov hər bir abituriyentin ADU-nun tələbəsi olması arzusunda olduğunu bildirib. O, universitetdə fəaliyyət göstərən fakültələr və mərkəzlər haqqında ətraflı məlumat verib. ADU-nun beynəlxalq əlaqələrindən söz açan S.Hüseynov həyata keçirilən mübadilə proqramlarından danışıb. Dillər Universitetinin tələbələrə verəcəyi üstünlüklərdən danışan şöbə müdiri ölkəmizdə keçirilən bir çox beynəlxalq yarışlara, müsabiqələrə və tədbirlərə ilk növbədə dil biliyi olan gənclərin cəlb olunduğunu bildirib:

“Bu məsələdə Dillər Universiteti bir nömrəli müraciət olunan yerdir. Son 5 ildə keçirilən beynəlxalq tədbirlərdə və humanitar forumlarda 10 minə yaxın tələbəmiz könüllü olaraq iştirak edib. Onlar tərcüməçi kimi fəaliyyət göstərməklə yanaşı bələdçi funksiyasını da yerinə yetiriblər”.

Sərraf Hüseynov universitetdə həyata keçirilən “Bir günlük xəlifə”, “Səfir saatı” layihələri haqqında məlumat verib, ADU tələbələrinin məcburi köçkün məktəblərində də təcrübə keçdiklərini diqqətə çatdırıb. O, bu yay Azərbaycanın bir çox bölgələrinə 50-yə yaxın tələbənin yay məktəbinə göndərildiyini bildirib.
Sonda universitetlə daha yaxından tanış olmaq üçün infotur təşkil olunub.

Tarix
2019.07.30 / 22:28
Müəllif
Kult.az
Şərhlər
Digər xəbərlər

Rəmişdən ermənilərlə bağlı hər kəsi şoka salacaq sözlər - Video

Tarixçilər Heydər Əliyevin anım gününü keçirəcək

ADU tələbələrindən xüsusi tədbir – Foto

Dəmirəlin Bakıda etdiyi maraqlı “səhv” - 19 illik sirr

Rusiya Çingiz xan daş kitabəsinin surətini vətəninə göndərdi

Oğuzlar Azərbaycana nə vaxt gəlib? - Yanlış tarix...

Tağıyevin villası rekord qiymətə satışa çıxarıldı - Video

O, Bakıya gəlsə, ad çəkəcək: Qorxudan rəngi solan kimdir?

Naxçıvanda Şeyxin 70 illik yubileyi qeyd olundu - Foto

Nazir Bəhreyn Krallığının nümayəndələri ilə görüşdü - Foto

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla