İçərişəhər Dövlət Tarix-Memarlıq Qoruğu İdarəsi aprelin 18-i Beynəlxalq Abidələr və Tarixi Yerlər Günü münasibətilə tabeliyində fəaliyyət göstərən bütün muzeylərdə "açıq qapı" günü elan edir.

İdarədən Axar.az-a verilən məlumata görə, "açıq qapı" yalnız bir gün – aprelin 18-i üçün nəzərdə tutulub. Həmin gün hər kəs İçərişəhərdə yerləşən Qız Qalası, Şirvanşahlar Saray Kompleksi, Tahir Salahovun ev-muzeyi, Numizmatika ekspozisiyası, Sıratağlı Dini-Memarlıq Kompleksi, eləcə də Qala Qoruğu ərazisində fəaliyyət göstərən Qala Arxeoloji-Etnoqrafik muzey kompleksi, Əntiq əşyalar muzeyi ekspozisiyaları ilə ödənişsiz tanış ola biləcək. Avropa oyunları ərəfəsində isə muzey qapılarının qonaqların üzünə ödənişsiz açılacağı dəqiq məlum deyil.

Qeyd edək ki, muzeylər saat 10:00-dan 19:00-dək fəaliyyət göstərəcək.