Azərbaycan Respublikası Mədəniyyət və Turizm Nazirlyinin sifarişi ilə Cəfər Cabbarlı adına "Azərbaycanfilm" kinostudiyasında lentə alınan "Motivlər 2" şərti adlı kinoalmanaxın istehsalı başa çatıb.

Kinostudiyadan Axar.az-a verilən məlumata görə, yeni kinoalmanax 2016-cı ilin əvvəllərində tamaşaçılara təqdim olunacaq.

"Motivlər 2" kinoalmanaxı Amil Məmiyevin "Qara bağ", Emin Əfəndiyevin "Hədiyyə", Emin Mirabdullayevin "Postskriptum" və Zamin Məmmədovun "Onun atası" qısametrajlı bədii filmlərindən ibarətdir.

Xatırladaq ki, bir neçə ay bundan əvvəl "4.1 Şəhər Motivləri" adlı birinci kinoalmanaxın təqdimatı olmuşdu. Azərbaycan Prodüserlər Gildiyasının elan etdiyi "Geniş baxış" ssenari müsabiqəsinin qalibi olan kinolayihəyə rejissor Anar Abbasovun "Qonşu qadın", Rüfət Həsənovun "Kədərim", Timur İsmayılovun "Yuxarıda və aşağıda", Cəfər Axundzadənin "Dmitrov küçəsi 86" və Vüqar İslamzadənin "Zabit şərəfi" filmləri daxil idi.