Mən Oda teatrından ayrılmamışam, təsisçisi olaraq qalıram.

Bunu Axar.az-a Oda teatrının rəhbəri Elmin Bədəlov istefa xəbərlərinə münasibət bildirərkən deyib.

Onun sözlərinə görə, aktyor kimi də fəaliyyətimi davam etdirəcək: "Sadəcə, işlərimin çoxluğundan direktor və bədii rəhbər vəzifələrindən ayrılmışam.

Həmin yerlərə teatrın gənc əməkdaşlarını təyin etmişəm. Çünki yeni yaratdığım ADO teatrında yeni tamaşalar hazırlayıram və bu teatrın inkişafı üçün çalışıram".

E.Bədəlov bildirib ki, təyinat alan gənclər Odanın inkişafında yeniliklər edəcək. Xatırladaq ki, teatrın direktoru vəzifəsinə Aynur Zərrintac, bədii rəhbər vəzifəsinə Nihad Qulamzadə təyin olunub.