Yuxarı

İslamzadə kimə müharibə elan edib: Qadınlara, ya anasına?

Ana səhifə Kult
12 Punto 14 Punto 16 Punto 18 Punto

Akif İslamzadə növbəti dəfə qadınları alçaldıb. “Növbəti dəfə” deyirəm, ona görə ki, səsinin illərdir batmasına baxmayaraq, vaxtilə oxuduğu gözəl mahnıları ilə tanıdığımız, sevdiyimiz, hörmət bəslədiyimiz, onun “ağılsız” adlandırdığı qadınların beynində, ürəyində önəmli yer tutan sənətkar dəfələrlə qadınlarla bağlı ittihamlar, təhqirlərlə çıxış edib. Bu gün “Allah qadınlara elm verməyib” deyən sənətkar 2 ay öncə verilişləri qadınlar apardığı üçün dəvətləri geri çevirdiyini bildirmişdi. Bir neçə il bundan öncə isə dünyanın yeni düzəninin matriarxat dəyərlər üzərində formalaşmasından gileylənən Akif İslamzadə cəhənnəmə gedənlərin əksəriyyətinin qadın olduğunu iddia edib, hələ Allahdan, Qurandan, Peyğəmbərdən də sitat gətirmişdi.

Görəsən, illərdir səsini itirməsinə baxmayaraq, xalqın dilində “sənətkar” olaraq anılan Akif İslamzadənin vaxtaşırı qadınlara savaş elan eləməsinin kökündə nə dayanır? İllər öncə səpdiyi və bu gün meyvəsini yediyi sevgi ağacını baltalayıb, yerinə nifrət toxumu əkmək, ömrünü başa vurduqdan sonra sənəti ilə yox, hörmətinə xələl gətirən açıqlamaları ilə xatırlanmaqmı istəyir?

“Qadın kimdir” sualını filosoflar, elm insanları araşdırıb. Məlum olub ki, qadın bu dünyanın mövcudluğudur. Zəkanın, istedadın, Akif İslamzadənin inkar etdiyi elmin daşıyıcısıdır, övladına ötürəndir. Tibbin belə uşaqların bilik və bacarıqları, İQ dərəcəsini anadan miras olaraq aldığını isbat etdiyi halda Akif İslamzadə nəyin hikkəsini, inadını aparır? Elə o da səsini anasına – Sara Qədimovaya, məşhurluğunu mərhum sənətkarımızın cəmiyyətdəki hörmətinə borclu deyilmi? Görəsən, Akif İslamzadə kimə müharibə elan edib, kiminlə savaşır: qadınlara, illərdir barəsində bir kəlmə belə danışmadığı anasına, yoxsa özünə, mövcudluğuna, yaradılışına?

Bir müddət əvvəl yenə çox sevdiyimiz, Vətənimin siması hesab etdiyim şahmatçı Şəhriyar Məmmədyarov da eyni mövzu ilə gündəmə gəlib, gözümdəki bütün dəyərini yerlə-bir etmişdi. Bir kişi mənliyini, gücünü qadın məfhumundan istifadə edərək sübut eləməyə çalışmamalı, qadın gücündən bu qədər qorxmamalıdır.

Qrossmeyster barəsində deyirdik cavandır, müdrikləşdikcə fikirləri təkamül edəcək. Akif İslamzadə isə bu ümidimizi də öldürdü. Olğunluq, əslində, yaş ilə, heç təhsil ilə də formalaşmırmış. Uşaqlıqda beynimizə əkilənlərdir, cəmiyyətdə hörmət sahibi olduqca komplekssiz şəkildə ifadə eləməyə başlayırıq. Cəmiyyətin sayılıb-seçilən, həqiqi hörmət qazanmış insanlarının mahiyyətlərini ucuzlaşdırıb, primitiv cümlələr qurmasını, fikirlər səsləndirməsini özüm üçün başqa cür izah edə bilmirəm.

Sosial şəbəkədə ümidi ölməyən qadınlar var, Akif İslamzadəyə haqq qazandırmaq istəyir, “Akif müəllim bəlkə də” başlıqlı cümlələr qururlar. “Bəlkə”si yoxdur, xanımlar. Akif müəllimin bir yox, dəfələrlə dediyi fikirlər onun zehnində illərdir oturuşmuş, alt şüurunda gizlənən, bəlkə də qadının gücündən yaranan qorxu travmasının günümüzdə zühur etməsidir.

Tarix
2024.06.26 / 13:12
Müəllif
Aytac Araz
Şərhlər
Digər xəbərlər

Bayramov BMT-nin 79-cu sessiyasında çıxış edir

İsrail Livana kömək edir: İran ciddi sınaq qarşısında qaldı

Qadınla əlbir olub 700 mini mənimsəyən Hüseyn - Foto

Rəsmi Bakıdan Stanonun iddiasına cavab

Üç ölkənin Gürcüstanda hərbi təlimi başa çatdı - Foto

Ermənistandakı missiyanın işi ilə bağlı bəyanata reaksiya

Ölkədə maliyyə piramidası şəbəkəsi ifşa edildi - Video

Haniyə də, Nəsrullah da İranın razılığı ilə öldürüldü – General

Əliyev Szinpinə məktub göndərdi

İranla Ermənistanın Araz çayı ilə bağlı planı - Müzakirə...

KULT
<>
Xəbər xətti
Axar.az'da reklam Bağla
Reklam
Bize yazin Bağla