Belçika Federal Məclisinin türk əsilli üzvü, deputat Zuhal Dəmirin "P-Magazine" jurnalındakı görüntüləri gündəmi zəbt edib.

Axar.az xəbər verir ki, Flaman partiyasının Yeni Flaman İttifaqı üzvü olan 35 yaşlı Dəmir jurnal üçün dekolteli geyimlərlə foto çəkdirib. Çəkilişlər isə Federal Məclisin müxtəlif hissələrində aparılıb. "P-Magazine" bir siyasətçinin ilk dəfə bir jurnala bu tərzdə görüntülənməyə razılıq verməsini tarixi hadisə kimi qiymətləndirib.
Jurnalın Tvitter hesabından siyasətçinin fotosunun qapaq olduğu bu nömrə "parlamentin həqiqi bombası" başlığı ilə təqdim edilib. Zuhal Dəmir fotoşəkillərlə bağlı münasibət bildirərkən deyib: "Tabuları qırmaq mənin üçün problem deyil. Bunu etməyə cəsarət edən ilk qadın mən oldum".

O, açıqlamasında bu barədə müsbət reaksiyalar aldığını bildirib.

Federal Məclisin başçısı Siqfrid Braka parlament binasında gerçəkləşən çəkilişlərin heç bir problem yaratmadığını deyib:

"Maraqlı bir söhbət, gözəl bir qadın fotosu. Məncə, burada heç bir problem yoxdur".