Akademik Milli Dram Teatrı Koronavirusla Mübarizəyə Dəstək Fonduna vəsait köçürüb.

Kult.az xəbər verir ki, bu barədə teatrın bədii rəhbər-direktoru, xalq artisti Azər Paşa Nemətov danışıb.

O bildirib ki, mədəniyyət ocağının rəhbərliyi və kollektivi adından Koronavirusla Mübarizəyə Dəstək Fonduna ianə edilib.

Xalq artisti rəhbərlik etdiyi teatrının kollektivi adından koronovirusdan əziyyət çəkən insanlara şəfa diləyib və insanları özünü qorumağa, dövlətin müəyyən etdiyi qaydalara ciddi əməl etməyə çağırıb:

“İnanıram ki, dövlətimizin böyük köməyi, vətəndaşlarımızın həmrəyliyi nəticəsində bu pandemiyadan əziyyət çəkən insanlarımız tezliklə öz sağlamlıqlarına qovuşacaqlar”.