"Bir vaxt ona qarşı səmimi hisslərim var idi. Lakin onun məsuliyyətsizliyi bizim ayrılığımıza səbəb oldu".

Bu sözləri gənc müğənni Sabir Əhmədov keçmiş nişanlısı Aygün Rəhimovanın Türkiyəyə köçməsi ilə bağlı Axar.az-a danışarkən deyib:

"Türkiyəyə köçmək arzusunu sizdən eşidirəm və düşünürəm ki, Aygün burada necə məşhur idisə, orada da o cür olacaq. Bu yaxında mənə zəng edərək bağışlanmağını istədi. Mən isə onu çoxdan bağışladığımı dedim. Aramızda olan narazılıqlara baxmayaraq, onunla dost qalmağımızı təklif etsəm də, o, buna razılaşmadı. Aygünün rəhmətlik atasını tanıyırdım və ona çox hörmətlə yanaşırdım. Əfsuslar olsun ki, valideyn itkisi Aygünün həyatına olduqca mənfi təsir göstərdi.

Sadəcə, mən öz çörəyimi halallıqla qazanan biriyəm və Aygünə də xoşbəxt olmaqla yanaşı, halal zəhmətlə yaşamasını arzu edirəm. Allah onu xoşbəxt etsin".

Xatırladaq ki, cütlük ötən ilin yanvar ayında nişanlandıqlarını açıqlasa da, sonra ayrılmışdı.