Muğam ifaçısı Elnarə Abdullayevanın Qobustan rayonuna çəkdirdiyi bulaqdan su gəlmir.

Axşam.az-ın məlumatına görə, bir müddət öncə təntənəli açılışı olan bulağın yerləşdiyi ərazidən su çıxmadığı müəyyənləşib.

Açılış tədbiri baş tutan gün isə yalnız quyuya su doldurmaqla bulaqdan istifadə etmək mümkün olub.

Məsələylə bağlı danışan xanəndə bundan xəbərsiz olduğunu, tezliklə rayona yollanacağını bildirib:

"Mən illərlə heç kimin etmədiyi bir işi gördüm. Heç vaxt yarımçıq iş görmərəm. O qədər xərc çəkmişəm ki, bulaq bu vəziyyətdə qalsın? Əgər su gəlməsə, başqa yola əl atacağıq. O boyda hovuzlar tikdirmişəm ki, su gəlməyəndə də nəsə edək. İnsanlar susuz qalmamalıdır".

Qeyd edək ki, E.Abdullayeva bulağın çəkilməsinə 200 min manat xərc çəkdiyini bildirmişdi.