Çoxları elə düşünür ki, mən Azərbaycan şou-biznesi ilə birdəfəlik vidalaşıb, Özbəkistana köçmüşəm.

Bu sözləri müğənni Əhməd Mustafayev Özbəkistana köçməsi haqda Axar.az-a danışarkən deyib. O, işləri ilə bağlı Özbəkistana getdiyini bildirib:

"Sən demə" mahnımı Özbəkistanın məşhur müğənnisi Madina Mumtoz oxumuşdu. Pis də alınmadı. Bu ifadan çox keçmədi ki, onlardan mənə təklif gəldi. Mən də məmnuniyyətlə qəbul etdim. Sözləri və musiqisi mənə aid olan "Sev məni" mahnımı ilk dəfə özbək musiqiçiləri işləyəcək. İnanıram ki, bu işbirliyi mənə uğur gətirəcək.

Kim bilir, bəlkə Madinanı bizim şou-biznesə də gətirdim. Şou-biznesimizdə gürcü var, özbək niyə olmasın? Çoxları elə düşünür ki, mən Azərbaycan şou-biznesi ilə birdəfəlik vidalaşıb, Özbəkistana köçmüşəm. Hələ ki, belə bir fikrim yoxdur. Yerli şou aləmində hələ görüləcək o qədər işlərim var ki".