Moda evimin açılışına dünyanın tanınmış modeli gələcək və bizim simamız olacaq. Adını indi açıqlamayacağam.

Axar.az xəbər verir ki, bu sözləri əməkdar artist Röya Ayxan Rus Dram Teatrında keçirilən xeyriyyə tədbirində mətbuat nümayəndələrinə yeni biznesindən danışarkən deyib. Müğənni bu sahənin ona rahatlıq verdiyini bildirib:

"12 ildir konsert kostyumlarımı hazırlayan Sevda xanıma işbirliyi təklif etdim, o da razılaşdı. Həm mağazaları gəzib geyim seçməyə vaxtım yoxdur, həm də geyimlərin qiyməti bahadır. Onu da qeyd edim ki, moda evini devalvasiyadan əvvəl açmışam. Oranın mövcudluğu mənə rahatlıq verir. Modelyerlərə iki gün əvvəl dedim ki, cins korset istəyirəm. Onlar da istədiyimi tikib verdilər. Moda evimdə qiymətlər yüksək olmayacaq".