1 iyun 2016-cı il tarixə Arktikada dəniz buzlaqlarının sahəsi 1,6 mln. kv/km azalıb.

​

Axar.az xəbər verir ki, ABŞ alimlərinin hesablamalarına görə, 30 il öncə 12.7 milyon kvadrat kilometr olan buzlaq hazırda 11.1 milyon kvadrat kilometrə enib.

Kembric Universitetinin professoru Piter Uodxems məsələ ilə bağlı verdiyi açıqlamada bu ilin sentyabrında Arktikanın buzdan tamamilə azad ola biləcəyini deyib:

"Bu il Arktikada buz tamamilə yox olmasa da, rekord səviyyədə azalacaq. Bu il olmasa da, gələn il Arktikada buz qalmayacaq. Arktikanın mərkəzi və Şimal qütbü buzdan azad olacaq. Buzlaqların böyük hissəsi Kanadanın şimal sahillərində yerləşən adalarda qalacaq. Buzlaqların əriməsi ilə Yer kürəsində temperatur 0,6 dərəcə yüksələcək. Bu da qorxuludur".