Rusiya işğalçı qüvvələri Ukraynaya qarşı hücumlar zamanı yeni dronlardan istifadə etməyə başlayıblar. Söhbət reaktiv mühərrikli "Şahid"lərdən gedir.

Axar.az xəbər verir ki, bu barədə radioelektron mübarizə və radioelektron kəşfiyyat üzrə mütəxəssis Sergey Beskrestnov Teleqram kanalında məlumat yayıb.

Onun sözlərinə görə, indi ukraynalılar yeni bir səs eşidirlər:

“Əziz ukraynalılarım, təəssüf ki, indi biz yeni bir gecə səsini tanıyacağıq – reaktiv “Şahid”in səsini. Hələlik geniş şəkildə deyil, amma artıq ikinci gündür ki, eşidilir”.

Onun sözlərinə görə, reaktiv “Şahid”lər rus işğalçılarının Ukraynanın zenit dronlarının uğurlarına verdiyi cavabdır:

“Onların yaxın aylarda nə qədər olacağı barədə hələlik məlumat yoxdur”.