Çexiyanın Avropa Birliyindən çıxması ilə bağlı referendum ölkənin maraqlarına cavab vermir.

Axar.az xəbər verir ki, bu sözləri Çexiyanın Baş naziri Boquslav Sobotka bildirib.

Sobotkanın fikrincə, hökumət tərəfindən keçən il qəbul edilmiş referendumlar haqqında qanun Avropa İttifaqından çıxmaq barədə referendum keçirilməsinə tətbiq oluna bilməz. "Bu cür addımın pis iqtisadi nəticələri olar, habelə Çexiyanın gələcəyinə təsir edər, başlıcası isə gənclərin və peşəkarların ölkəni tərk etməsinə səbəb olar", - o qeyd edib.

Boquslav Sobotka həmçinin ölkədə avronun qəbul edilməsini şərh edərək bildirib ki, bu məsələ qarşıdan gələn 5-10 ildə həll olunacaq.