Bizim idxalımız bazara əsaslanır və Hindistanın 1,4 milyard əhalisinin enerji təhlükəsizliyini təmin etmək məqsədi ilə həyata keçirilir. Buna görə də, ABŞ-ın bir sıra digər ölkələrin də öz milli maraqlarına uyğun olaraq həyata keçirdiyi tədbirlərə görə Hindistana əlavə tariflər tətbiq etmək qərarına gəlməsi son dərəcə məyusedicidir.

Axar.az xəbər verir ki, bu barədə Hindistan Xarici İşlər Nazirliyi bəyanat yayıb.

Hindistan XİN ABŞ-ın tariflərinin ədalətsiz və əsassız olduğunu, bütün lazımi tədbirlərin görüləcəyini bildirib.

Qeyd edək ki, ötən gün ABŞ Prezidenti Donald Tramp Hindistana əlavə rüsumların tətbiqi barədə sərəncam imzalayıb.