Con Çilkotun rəhbərliyi altında çalışan komissiyanın İraq müharibəsi ilə bağlı hazırladığı hesabatdakı faktlar Moskvaya öncədən bəlli idi.

Axar.az xəbər verir ki, bunu "RİA-Novosti" agentliyinə açıqlamasında Xarici İşlər nazirinin müavini Gennadi Qatilov söyləyib. O deyib ki, 2003-cü ildə bizi BMT Təhlükəsizlik Şurasında Səddam Hüseynin müxtəlif kimyəvi silaha malik olduğuna inandırmağa çalışırdılar:

"Bu işdə amerikalılar və ingilislər xüsusilə aktiv idi. Bütün bunlar bizim mövqeyimizin o zaman haqlı olduğunu göstərir. Artıq nə isə etmək üçün gecdir. O zaman İraqdakı bütün problemlərin sülh yolu ilə həlli vasitələri hələ tam yox olmamışdı".

Qeyd edək ki, bir müddət öncə İraq müharibəsi ilə bağlı Çilkot hesabatının nəticələri açıqlanıb. Hesabata əsasən o zamankı Baş nazir Toni Bler qəsdən Səddam Hüseynin devrilməsi ilə bağlı addımlar atıb və İraqı işğal edib.