Ukrayna Prezidenti Vladimir Zelenski və yaxın adamları Rusiya Prezidenti Vladimir Putin və ABŞ Prezidenti Donald Tramp arasında görüşlə bağlı gərginlik içindədir.

Axar.az xəbər verir ki, bu barədə “Faynənşl Tayms” məlumat yayıb.

Məlumata görə, adı çəkilməyən ukraynalı rəsmi bildirib ki, Ukraynaya birbaşa təsir göstərə biləcək müzakirələrdən kənarda qaldıqları üçün narahatdırlar.

Digər bir ukraynalı rəsmi isə Trampın mövqeyini qeyri-müəyyən adlandırıb. Rəsmi bildirib ki, Tramp sülh istədiyini desə də, sülhə nail olmaq üçün lazım olan addımları atmaq istəmir.

Qeyd edək ki, Rusiya və ABŞ prezidentlərinin görüşü 15 avqustda Alyaska ştatının Ankoric şəhərində yerləşən ABŞ Hərbi Hava Qüvvələri və Quru Qoşunlarının birgə Elmenorf-Riçardson bazasında baş tutub.