2025.08.15 - 22:00

Rusiya Prezidenti Vladimir Putinin olduğu təyyarə Alyaskaya eniş edib.

Axar.az xəbər verir ki, bu barədə “Flightradar24” portalının məlumatında deyilir.

Prezident “Tu-214” təyyarəsində Ankoric şəhərinə gəlib.

Burada dövlət başçısı amerikalı həmkarı Donald Trampla Ukrayna münaqişəsinin nizamlanmasına dair danışıqlar aparacaq.

***

Rusiya Prezidenti Vladimir Putin Bakı vaxtı ilə saat 22:54-də Ankoricə çatıb.

Saat 23:30-da isə Elmendorf-Riçardson hərbi bazasında ABŞ və Rusiya liderlərinin görüşü gözlənilir.

***

Rusiya və ABŞ prezidentləri Vladimir Putin və Donald Tramp danışıqlara başlamazdan əvvəl Ankoricdə demək olar ki, eyni vaxtda təyyarələrindən enərək bir-birini salamlayıblar.

Bu barədə Ağ Evin mətbuat xidməti məlumat yayıb.

***

Liderlər arasında görüş başlayıb.

***

Putin-Tramp görüşü mətbuata qapalı formada davam edir.

***

ABŞ Prezidenti Donald Tramp və rusiyalı həmkarı Vladimir Putin arasında görüş başa çatıb.

Görüş təxminən 3 saat davam edib.

Putinlə Trampın mətbuat konfransı üçün son hazırlıqlar gedir.

***

Rusiya Prezidenti Vladimir Putin və ABŞ Prezidenti Donald Tramp arasında görüş başa çatdıqdan sonra liderlər mətbuat konfransında çıxış edirlər.

***

Liderlərin mətbuat konfransı başa çatıb.