Ukrayna təkcə son bir ayda 20 minə qədər rus əsgərini öldürüb ki, bu da müharibənin ruslara nə qədər baha başa gəldiyinin göstəricisidir.

Axar.az xəbər verir ki, bunu ABŞ Dövlət katibi Marko Rubio deyib.

Rubio bildirib ki, hazırda Vaşinqton iki müharibə edən dövlətin mövqeləri arasında “qızıl orta” tapmağa çalışır:

“Müharibə getdikcə ağırlaşır: ruslar hələ də özlərinin “üstünlükləri” olduğuna inanırlar, ukraynalılar isə Rusiya hərbçilərinə böyük zərbələr vuraraq müdafiə olunur”.

Dövlət katibi iki tərəf arasında barışıq məsələsinin mürəkkəb olduğunu, lakin ABŞ-ın problemin üzərində işləməkdən əl çəkmədiyini qeyd edib:

“Bu, çətin məsələdir, amma biz üzərində işləməyə davam edəcəyik, çünki prezident baş verməməli olan bu müharibəni dayandırmağı prioritet sayır”.