Almaniyanın türk millət vəkili Cem Özdəmirin qondarma erməni soyqırımı ilə bağlı parlamentdəki çıxışının tam görüntüsü yayılıb.

Axar.az xəbər verir ki, videonu Cem Özdəmir öz Feysbuk səhifəsində paylaşıb. Millət vəkili çıxışı zamanı "erməni soyqırımı"nın türklər tərəfindən törədildiyini və buna görə Almaniyanın məsuliyyət daşıdığını bildirib. Bundan başqa, Özdəmir Türkiyənin şərqində bütün etnik azlıqların hüquqlarının pozulduğunu da bildirib.

O, Yaxın Şərqdəki xristianların taleyindən narahat olduğunu deyib. Cem Özdəmir çıxışı zamanı həmçinin məşhur siyasi xadimlər Ənvər Paşa və Tələt Paşanı da təhqir edib.

Qeyd edək ki, Özdəmir Almaniya Yaşıllar Partiyasının üzvüdür. O, bir müddət öncə Almaniya parlamentinin tanıdığı "erməni soyqırımı" layihəsinin əsas müəllifidir.