21:43

Suriyanın Palmira şəhərində hökumət qüvvələrinə məxsus helikopterin sınaq uçuşu zamanı terrorçular tərəfindən vurulması nəticəsində 2 rus pilot həlak olub.

Axar.az xəbər verir ki, bu barədə Rusiya Müdafiə Nazirliyi məlumat yayıb.

Hadisə ilə bağlı ətraflı informasiya verilməyib.

Qeyd edək ki, az öncə Rusiya hərbi helikopterinin Palmira yaxınlığında vurulduğu barədə xəbəri Rusiya MN təkzib etmişdi.

22:08

Suriyanın Palmira şəhərində Mİ-25 helikopterinin İŞİD terrorçuları tərəfindən vurulduğu məlum olub.

Terrorçuların mövqelərini bombalayan helikopterin mərmisi bitdikdən sonra geri qayıtmağa çalışıb. Elə bu zaman helikopter terrorçular tərəfindən raketlə vurulub.

Helikopterdə həlak olan rus pilotlar Riyafaqat Kabibulin və Yevgeni Dolqindir.

00:18

Suriyanın Palmira şəhərində İŞİD tərəfindən hədəf alınan Mi-25 helikopterinin ABŞ istehsalı olan TOV raketi ilə vurulduğu məlum olub.

"İnterfaks" yaydığı məlumata görə, helikopterin hədəfə gəlməsinə səbəb onun alçaqdan uçması olub.