Qondarma Dnestryanı rejimi Rusiya sülhməramlılarına qarşı kütləvi informasiya vasitələri, sosial şəbəkələr və digər vasitələrlə edilən hörmətsizliyə görə cəza tədbiq olunması haqqında qanun qəbul edib.

Axar.az xəbər verir ki, qondarma rejimin qəbul etdiyi qanun bu gündən etibarən qüvvəyə minib. Qanuna əsasən, əgər Rusiya sülhməramlılarını təhqir edəcək və onların sülhün bərpa olunmasında rolunu azaldacaq hər hansı addım atılarsa, qanunu pozan şəxs ya 770 avro ödəyəcək, ya da üç il həbs cəzasına məhkum ediləcək. Vəzifəli şəxslər üçün isə bu cərimə 1160 avro və üç il həbs cəzası səviyyəsində tətbiq olunacaq.

Qeyd edək ki, Dnestryanı Moldova ərazisidir. Moskvanın aktiv dəstəyi ilə 1991-ci ildə qondarma rejim Kişinyovun nəzarətindən çıxıb. Rus qoşunları 1992-ci ildən bu yana Dnestryanıda yerləşir.