Rusiya sülh danışıqlarını ləngitdiyi və Ukraynaya hücumlarını davam etdirdiyi üçün Putinə etibar etmək olmaz.

Axar.az xəbər verir ki, bu sözləri Böyük Britaniyanın Baş naziri Keyr Starmer “İstəklilər koalisiyası”nın iclasında deyib.

Starmer Kiyevdə törədilmiş və “British Council” ilə AB nümayəndəliyinin binalarına ciddi ziyan vurmuş hücumların bu etibarsızlığı bir daha sübut etdiyini vurğulayıb.

O, koalisiyanın Ukraynaya sarsılmaz dəstəyinin olduğunu, bu dəstəyin Prezident Tramp tərəfindən də təsdiqləndiyini bildirib.

Starmer əlavə edib ki, liderlər artıq daha da irəli gedərək, Putinə təzyiqləri artırmalı və atəşkəsin əldə olunmasına çalışmalıdır.

Qeyd edək ki, Keyr Starmer Parisdə keçirilən görüşdə onlayn formada iştirak edib.