İranın nümayəndə heyəti Vyanada MAQATE nümayəndələri ilə yaxşı görüş keçirib və tərəflər ikitərəfli yeni əməkdaşlığa çox yaxındırlar.

Axar.az xəbər verir ki, bu sözləri İranın xarici işlər naziri Abbas Arakçı bildirib.

“İran nümayəndələri MAQATE ilə Vyanada keçirilən görüş zamanı yeni əməkdaşlıq çərçivəsinə nail olmaq üçün danışıqları davam etdiriblər. Artıq danışıqlara müharibədən əvvəlki kimi daxil olmaq mümkün deyil. Biz hazırda danışıqlara fərqli yanaşırıq.

Qeyd edim ki, çox yaxşı müzakirələr aparılıb və yeni əməkdaşlıq çərçivəsi üzrə razılığa gəlməyə çox yaxınlaşmışıq. Bu çərçivə əsasən parlament tərəfindən qəbul olunmuş qanuna, parlamentin hüquqi çərçivəsinə, eləcə də mövcud reallıqlara və baş vermiş dəyişikliklərə əsaslanır” , - deyə Arakçı qeyd edib.