Türkiyənin İstanbul şəhərinin altı rayonunda nümayişlərin keçirilməsi qadağan edilib.

Axar.az xəbər verir ki, qərar üç gün - sentyabrın 10-a qədər qüvvədə olacaq.

Belə ki, İstanbul 45-ci Asliye Hüquq Məhkəməsinin CHP-nin İstanbul üzrə bölməsinə qəyyum təyin etməsindən sonra partiya mənsubları, o cümlədən vəzifədən çıxarılan Özgür Çelik bu qərarla barışmayacağını bildirib və partiya binası önünə toplaşaraq müqavimət çağırışı edib.

Mümkün provokasiya və qarşıdurmanın önlənməsi məqsədilə çevik qüvvələr müxalif partiya binasının qarşısına yeridilib.

Müxalif partiyanın məhz bu çağırışından sonra İstanbul valiliyi 6 rayonda kütləvi nümayişlərin qadağası ilə bağlı qərar verib.