Heç vaxt düşünməzdim ki, gecə vaxtı oğru kimi ölkəmdən qaçmalı olacağam.

Axar.az xəbər verir ki, bu sözləri “Corriere della Sera” qəzetinə açıqlamasında Kiyevdən Krakova gələn Ukrayna Xarici İşlər Nazirliyinin keçmiş rəhbəri Dmitri Kuleba deyib.

"Zelenski və onun ətrafı bizim xaricə səfər etməyimizi və onların fikrincə, hökumət xətti ilə ziddiyyət təşkil edə biləcək fikirlər söyləməyimizi istəmir. Mən təqib maniyasından əziyyət çəkdiyimi düşünmürəm, amma dəqiq bilirəm ki, bu fərman mənim və bir neçə başqa adamın xaricə getməsinə mane olmaq məqsədi daşıyır", - o əlavə edib.

Qeyd edək ki, Kuleba Zelenski hökumətinin keçmiş diplomatların xaricə səyahətinə qadağa qoymasına görə gecə ilə ölkəni tərk edib. Belə ki, Kuleba bu fərmandan vaxtında xəbər tutub və onun qüvvəyə minməsinə bir neçə saat qalmış ölkəni tərk edib.