14:56

Rus ordusu 9 sentyabrda Donetskin Yarovaya qəsəbəsinə aviazərbə endirib.

Axar.az xəbər verir ki, bu barədə Ukrayna Prezidenti Vladimir Zelenski özünün Teleqram kanalında məlumat yayıb.

Hücum zamanı insanlar pensiya almaq üçün növbədə olublar. Rusiya hərbi təyyarələri həmin vaxt qəsəbəyə aviazərbə endirib, nəticədə çox sayda dinc sakin həyatını itirib.

Donetsk vilayətinin hərbi administrasiyasının rəhbəri Vadim Filaşkinin məlumatına görə, 21 nəfər ölüb.

Zelenski beynəlxalq ictimaiyyəti Rusiya əleyhinə sərt tədbirlər görməyə çağırıb.

***

Rusiya aviasiyasının Yarovaya kəndinə endirdiyi zərbələr nəticəsində ölənlərin sayı 24 nəfərə çatıb.

Bu barədə Ukrayna Fövqəladə Hallar üzrə Dövlət Xidmətinin məlumatında deyilir.