Cənubi Çin dənizindəki adalarda raketdən müdafiə sistemləri yerləşdirəcəyik.

Axar.az xəbər verir ki, bunu jurnalistlərə açıqlamasında Çinin Xarici İşlər nazirinin müavini Lyu Çjenmin söyləyib.

Onun sözlərinə görə, Haaqa Beynəlxalq Arbitraj Məhkəməsinin bu adalarla bağlı qərarı bölgədəki situasiyanı daha da gərginləşdirib. O, Çinin müharibə istəmədiyini, amma lazım gələrsə, öz suverenliyi üçün güc tətbiq etməyə hazır olduğunu bildirib.

Qeyd edək ki, Cənubi Çin dənizindəki Sişa və Spratli arxipelaqları Çin tərəfindən ilhaq olunub. Bu adalara Çinlə bərabər, Filippin, Vyetnam, Malaziya və Bruney də iddia edir. Pekinin bu addımı bölgə dövlətlərinin və ABŞ-ın kəskin etirazına səbəb olub. Bir müddət öncə Haaqa Beynəlxalq Arbitraj Məhkəməsi Çinin bu adalara iddiasını əsassız saysa da, Pekin bu qərarı tanımayacağını bildirib.