Rusiya qüvvələri Kupyansk bölgəsində fəal şəkildə qüvvələr toplayır və kiçik qrup taktikalarından istifadə edir. Orada hər gün hücumlar baş verir.

Axar.az xəbər verir ki, bu barədə Ukrayna Milli Qvardiyasının “Bureviy” briqadasının birləşmiş artilleriya batalyonunun komandirinin müavini İqor Makovski məlumat verib.

O qeyd edib ki, orada vəziyyət son dərəcə gərgindir. Buna baxmayaraq, ukraynalı müdafiəçilər düşmənin irəliləyişini dayandırırlar.

"Bütün Kupyansk ərazisinə nəzər salsaq, orada vəziyyət çox gərgindir. Düşmən bu əraziyə prioritet kimi baxır və öz məqsədinə, yəni bu əraziyə daxil olmaq və nəticədə onu ələ keçirmək üçün bütün qüvvələrini və resurslarını cəmləşdirir.

Düşmən hücumları hər gün baş verir. Müxtəlif briqadaların qoruduğu ərazilərdən asılı olaraq, döyüşlərin intensivliyi dəyişir: bəzən hücumlar daha kütləvi, bəzən daha az aktiv olur, lakin tam sükut yoxdur", - o deyib.

Makovskinin sözlərinə görə, ukraynalı müdafiəçilər ruslar irəliləməsinin qarşısını almaq üçün səy göstərirlər:

"Hələ ki, uğur qazandıqlarını söyləmək çətindir. Bununla belə, vəziyyət çox gərgin olaraq qalır".