Heç kim Slovakiya və Macarıstana neft və qaz tədarüklərini haradan əldə edə biləcəklərini diktə etməməlidir.

Axar.az xəbər verir ki, bunu Slovakiyanın Baş naziri Robert Fitso Macarıstanın Baş naziri Viktor Orban ilə birlikdə iştirak etdiyi Dunay üzərindən Slovakiyanın Şturovo və Macarıstanın Esterqon şəhərlərini birləşdirən körpünün 130 illiyi münasibətilə keçirilən mərasimdə deyib.

"Bu çağırış və təhlükələrə yeganə cavab suveren siyasətdir. Mən Macarıstana ölkələrimiz üçün təhlükəsiz enerji təchizatı məsələlərində əməkdaşlıq təklif edirəm. Heç kim bizə neft və qazımızı haradan alacağımızı deməsin. Çünki beynəlxalq hüquqa görə, öz enerji balansı ilə bağlı qərarı ölkə özü verir”, - Fitso bildirib.