Avropa Kremlə məxsus nüvə yanacağına və texnologiyalarına asılılığı daha çox və daha fəal şəkildə azaltmalıdır.

Axar.az xəbər verir ki, bunu "Greenpeace Ukrayna" təşkilatının nüvə energetikası üzrə eksperti Yan Vande Putte bildirib.

O, Rusiya işçilərinin "Pakş-2" adlı atom elektrik stansiyasının tikintisi üçün Macarıstana dəvət edilməsini misal gətirib:

“Avropa Komissiyası bunu təsdiqləyir. Almaniya isə görünür, “Siemens” şirkətinə bu layihədə iştirak üçün lisenziya verəcək. Əgər indi siyasi impuls varsa, biz bu əlaqələri qırmalı və Macarıstanın bugünkündən də çox Kremlin siyasi orbitinə düşməməsinə əmin olmalıyıq”.

Mütəxəssis etiraf edib ki, Kremlin mövqelərini zəiflətmək çətin olacaq, çünki bu gün Rusiya dünyanın əsas nüvə texnologiyaları ixracatçısıdır:

“Onların dünyadakı, xüsusilə də qlobal cənub ölkələrindəki imici çox yüksəkdir. Əgər onlar Ukraynada nüvə fəlakəti yaratsalar və bu, onların məsuliyyəti kimi qəbul olunsa, bu, “Rosatom”un dünya bazarındakı biznesi üçün fəlakətə çevriləcək”.