HƏMAS yaxın zamanda Qəzzada fələstinlilərə qarşı hücum planlaşdırır.

Axar.az xəbər verir ki, bu barədə ABŞ Dövlət Departamenti bəyanat yayıb.

“Fələstinli mülki şəxslərə qarşı planlaşdırılan bu hücum atəşkəs razılaşmasının ciddi və birbaşa pozuntusu olar və vasitəçilik səyləri nəticəsində əldə edilmiş mühüm irəliləyişi təhlükəyə atar”, - bəyanatda qeyd olunub.

Bildirilib ki, əgər bu hücum baş verərsə, Vaşinqton Qəzza əhalisinin müdafiəsi və atəşkəsin davamlılığının qorunması üçün tədbirlər görəcək.

HƏMAS isə Dövlət Departamentinin bu ittihamlarını əsassız adlandırıb:

“HƏMAS Dövlət Departamentinin bəyanatında yer alan ittihamları rədd edir və qaçılmaz hücum və ya atəşkəs razılaşmasının pozulması ilə bağlı iddiaları qətiyyətlə təkzib edirik”.