13:44

Oktyabrın 19-da səhər saatlarında Luvr muzeyində oğurluq olub.

Axar.az xəbər verir ki, bu barədə Fransanın mədəniyyət naziri Raşida Dati məlumat yayıb.

"Oğurluq bu gün səhər saatlarında Luvrda baş verib. Mən muzey işçiləri və polislə birlikdə hadisə yerindəyəm. Hazırda araşdırma aparılır", - nazir bildirib.

“Le Parisien” qəzetinin məlumatına görə, bir neçə oğru muzeyin pəncərələrini sındırıb və zinət əşyalarını oğurlayaraq qaça bilib.

Hadisəni törədənlərin silahlı olduğu bildirilir.

Luvr rəhbərliyi muzeyi ictimaiyyət üçün bağlayıb.

***

Oğrular muzeyin “Apollon” qalereyasına daxil olaraq, Napoleona məxsus zinət kolleksiyasından 9 əşya oğurlayıblar.

Fransa mətbuatının məlumatına görə, İmperator III Napoleonun arvadı imperatriça Ejeni de Montijonun sınmış tacı Luvrun yaxınlığında tapılıb.