ABŞ-da Demokratlar Partiyasından prezidentliyə namizəd Hillari Klintonun həyat yoldaşı, sabiq prezident Bill Klinton xanımı haqda danışıb.

Axar.az xəbər verir ki, o, həyat yoldaşı ilə tanışlıqlarından və onun əzmkarlığından söz açıb. Sabiq prezident özünü Hillari Klintonun həyatından keçən bir yolçu kimi gördüyünü deyib:

"1971-ci ildə bir qızla tanış oldum. Sarı saçları var idi, böyük eynək taxmışdı, makiyajsız idi. Mən ömrüm boyu öz üzərində onun qədər çalışan ikinci bir şəxs görmədim. Hillari Klinton daim irəli getməyə, yüksəyə qalxmağa can atır. O, belə qadındır".

Qeyd edək ki, ABŞ-da Demokratlar Partiyasından prezidentliyə namizəd, sabiq dövlət katibi Hillari Klintonun namizədliyi rəsmən təsdiq olunub. Bununla da o, ABŞ-ın tarixində prezident postuna ilk qadın namizəd olub.