TBMM-in keçmiş sədri Bülənt Arınç saxlanılan yaxını ilə əlaqədar Tvitterdə açıqlama yayıb.

Axar.az xəbər verir ki, Arınç 15 iyul hərbi çevrilişə cəhdə görə başlanan əməliyyatlar çərçivəsində saxlanılan yaxını Ziya Tayın yaxşı insan, millətçi, vətənpərvər olduğunu qeyd edib:

"Ziya Tay gözəl insan, yaxşı ailə başçısıdır. Çox əziyyət çəkib, bu yerlərə paraşütlə düşməyib. Mən ədalətə güvənirəm və tezliklə onun azad olunacağına inanıram".

Arınç onun əleyhinə tənqidi yazılar yazan jurnalistlərə də cavab verib:

"Qələmi və kəlamı kin, nifrət qusanlara səslənirəm. Sizdən və çirkin niyyətinizdən əsla qorxmuram! Ankarada, İstanbulda, xüsusilə, Bursada 3-5 adamın etdiyi bu əxlaqsızlıqdan və qurduqları hiylələrdən xəbərim var. Hamısını bilir və hər sətrini qeyd edirəm. Buna görə ədalət qarşısında cavab verəcəksiniz".