09:09

Ukraynanın paytaxtı Kiyev Rusiya ordusunun hava hücumlarına məruz qalıb.

Axar.az xəbər verir ki, bu barədə Kiyev Şəhər Hərbi Administrasiyasının rəhbəri Timur Tkaçenko məlumat verib.

O bildirib ki, hücumları nəticəsində 1 nəfər ölüb, 11 nəfər xəsarət alıb.

Bundan başqa, şəhərin müxtəlif ərazilərində yerləşən yaşayış binalarına ziyan dəyib və nəticədə bir neçə yerdə yanğın baş verib.

Dövlət Təcili Yardım Xidməti üçü uşaq olmaqla 52 nəfəri təxliyə etdiyini açıqlayıb.

***

Kiyevdə Rusiya ordusunun noyabrın 29-da həyata keçirdiyi kütləvi hücum nəticəsində ölənlərin və yaralananların sayı artıb.

Bu barədə Kiyev Şəhər Hərbi Administrasiyasının rəhbəri Timur Tkaçenko bildirib.

"Hadisə nəticəsində 3 nəfər həlak olub, 15 nəfər isə yaralanıb. Fövqəladə xidmətlər zərər bölgələrində axtarış-xilasetmə tədbirlərini davam etdirir", - o qeyd edib.