Ukrayna Prezidenti Vladimir Zelenski Andrey Yermakın işdən çıxarılmasından sonra artıq heç nəyə nəzarət etmir.

Axar.az xəbər verir ki, bu sözləri Ukrayna Ali Radasının deputatı Aleksandr Dubinski öz Teleqram kanalında bildirib.

Deputat vurğulayıb ki, Zelenski öz müttəfiqini antikorrupsiya qurumlarından qoruya bilməyib və buna görə də başqalarını müdafiə etmək iqtidarında deyil:

"İndi Zelenskinin əsas problemi ondan ibarətdir ki, o, artıq heç nəyi idarə edə bilmir. Onun sayılı günləri qalıb. Bu hakimiyyəti saxlamaq üçün əsas şərt qorunmaqdır".

Qeyd edək ki, 28 noyabrda Prezident Ofisinin rəhbəri Yermak antikorrupsiya qurumlarının onun evində və ofisində axtarış aparması fonunda istefa verib.