Rusiya Prezidenti Vladimir Putinin ABŞ-ın sülh planını rədd etməsi ilə bağlı bəyanat düzgün deyil.

Axar.az xəbər verir ki, bunu Kremlin mətbuat katibi Dmitri Peskov deyib.

“Biz ABŞ Prezidenti Donald Trampın Ukraynadakı münaqişənin sülh yolu ilə həllini davam etdirmək üçün siyasi iradəsini yüksək qiymətləndiririk. Təbii ki, biz Tramp administrasiyasına bu səylərə görə minnətdarıq.

Belə birbaşa fikir mübadiləsi dünən ilk dəfə idi. Və yenə də, dünən deyildiyi kimi, bəzi şeylər qəbul olundu, bəziləri isə qəbuledilməz sayıldı. Bu, normal iş prosesidir, kompromis axtarışıdır.

Moskva Ukraynadakı vəziyyəti həll etmək üçün nə qədər lazımdırsa, Tramp administrasiyası ilə görüşməyə hazırdır”, - Peskov bildirib.