Amerikalı iş adamı İlon Maskın X sosial şəbəkəsi Avropa Birliyinin məzmunun moderasiyası qanunlarını pozduğuna görə 120 milyon avro cərimələnib.

Axar.az xəbər verir ki, bu barədə “Blumberq” agentliyi məlumat yayıb.

Məlumata görə, Avropa Komissiyası ödənişli mavi X simvolunun istifadəçiləri çaşdırdığını, platformanın analitiklərin məlumatlara daxil olmasına mane olduğunu və reklam yaddaşını düzgün idarə edə bilmədiyini müəyyən edib. X-in problemləri düzəltmək üçün həll yolu tapmaq və dəyişiklikləri həyata keçirmək üçün 60 gün vaxtı var.

Qeyd olunub ki, bu addım Brüssel və Vaşinqton arasında söz azadlığı və texnologiyanın tənzimlənməsinə fərqli yanaşmaları ilə bağlı gərginliyi artıra bilər.