ABŞ hələ də Ukraynanın yeni sülh planı təkliflərinə cavab verməyib.

Axar.az xəbər verir ki, bunu Ukrayna Prezidenti Vladimir Zelenski Berlinə səfəri öncəsi jurnalistlərə açıqlamasında deyib.

“Hələ ki, ABŞ-dan cavab almamışam. Danışıqlarda iştirak edən komandam vasitəsilə bir neçə mesaj eşitmişəm, amma bütün siqnalları alıram və bu gün başlayacaq dialoqa hazır olacağam. Bu gün Berlində Ukrayna-ABŞ günü olacaq”, - Zelenski bildirib.

Qeyd edək ki, bu gün ABŞ prezidentinin xüsusi nümayəndəsi Stiv Uitkoff və Donald Trampın kürəkəni Cared Kuşner Ukrayna Prezidenti Vladimir Zelenski ilə sülh planını müzakirə etmək üçün Berlinə gəlib.