Rusiya Prezidenti Vladimir Putin ilin yekunları ilə bağlı mətbuat konfransı zamanı dondurulmuş ölkə aktivlərindən Ukraynanın maliyyələşdirilməsi planları ilə bağlı Avropa Birliyinə “qorxulu” xəbərdarlıq edib.

Axar.az xəbər verir ki, bu barədə “Deyli Ekspress”də yayımlanan məqalədə deyilir.

"Vladimir Putin AB liderlərini sərt şəkildə tənqid edərkən eyni zamanda ciddi nəticələr barədə qorxulu bir xəbərdarlıq edib", - deyə bildirilib.

Məqalədə qeyd olunur ki, Rusiya prezidenti Avropa liderlərinin Kiyevə Rusiya aktivlərindən kredit vermək planlarını kəskin şəkildə pisləyib.

Müəlliflər həmçinin Putinin AB-nin sözügedən təşəbbüsünü mahiyyətcə soyğunçuluq adlandırmasına da diqqət çəkiblər.