Böyük Britaniya Kralı III Çarlz Milad Günü ilə bağlı ənənəvi müraciətində ictimaiyyəti sosial mediadan uzaqlaşmağı, ailə, dostlar, qonşularla daha çox ünsiyyətə vaxt ayırmağa çağırıb.

Axar.az-ın məlumatına görə, III Çarlz bildirib ki, müasir dünyada həyat getdikcə daha sürətlə dövr edir və bu proses xüsusilə gənclər üçün ciddi rəqəmsal yüklənmə yaradır.

Onun sözlərinə görə, sosial mediadan bir qədər uzaqlaşmaq, ətrafımızdakı insanları daha yaxından tanımaq və yeni dostluqlar qurmaq daxili rahatlıq üçün vacibdir.

Bu, Kralın hakimiyyəti dövründə Milad müraciətini iqamətgahından kənarda lentə aldığı ikinci haldır.