Tehran Ermənistanı İrana düşmən qüvvələrin fəaliyyət mərkəzi hesab edərək, ondan narazılığını bildirir.

Axar.az xəbər verir ki, bunu İranın Ermənistandakı səfiri Xəlil Şirqulami deyib.

Şirqulami İrəvandakı səfirliyin qarşısında bir qrup qərbpərəst şəxsin müntəzəm etiraz aksiyaları ilə bağlı Ermənistan hüquq-mühafizə orqanlarının hərəkətsizliyindən narazılığını vurğulayıb:

“Tehranda Ermənistanın İrana düşmən qüvvələrin fəaliyyət mərkəzinə çevrildiyi qənaəti yaranır. Altı gündür ki, saat 18:00-dan 21:00-dək onlar Ermənistandakı İran səfirliyinin qarşısında hörmətsiz və təhqiramiz ifadələr səsləndirir, şikayətimizi səsləndirməyimizə baxmayaraq, bu proses davam edir. Biz dəfələrlə Ermənistanın müvafiq orqanlarına şikayət ərizəmizi təqdim etmişik. Ən çətin anlarda Ermənistan hökumətinin yanında olduq, buna çox sayda nümunəsi var. Bu gün çətin vəziyyətdəyik və İranın Ermənistandakı səfirliyi önündə baş verənlər İran xalqının tarixi yaddaşında qalacaq. Düşünürəm ki, hər şeyi dəqiq dedim. Əgər İsrail İranı parçalamağa müvəffəq olsa, Ermənistan uduzanlardan biri olacaq”.